Esbarón no Toralín

O desexo do Celta de acadar unha victoria que os achegase na clasificación ó Betis terá que agardar, canto menos, 7 dias mais. Un empate e grazas nun partido malo de principio a fin, por parte do Celta especialmente, aínda que gozou de ocasións boas abondo para rematar inclinando a balanza cara o seu lado.

Foi a Ponferradina o equipo duro na casa que leva amosando toda a tempada, cun xogo físico, directo e de velocidade. Mostra de isto foi que saíron aplastando ó Celta dende os minutos inicias, comezando fortísimo cun tiro ó pau e os conseguintes 2 rexeites marrados ante Falcón, cando a maioría dos 7.500 espectadores que ateigaron O Toralín ainda non rematara de sentarse nas suas localidades.

O Celta semellaba estar aínda frio, a Ponferradina dominaba sen oposición e pechou ó Celta a sufrir no seu campo, un tiro de Olmo tras regatear a Falcón foi detido no último intre por Hugo Mallo, quen deslizándose, e co covado pegado ó corpo, desvia a corner, estragando a mellor ocasión dos locais para adiantarse.

O Celta non entrou no xogo nesta xélida noite deica case o minuto 40, cando un chut sen moito tino de De Lucas levaba por vez primeira perigo á porteria dos do Bierzo. Na seguinte xogada é David Rodríguez quen ten todas as de marcar pero marra finalmente ante un Ian Mackay que fixo a primeira parada das moitas que faría ó longo do partido, nunha auténtica demostración da sua calidade baixo os paus.

Tra-lo descando, a intensidade local decreceu e o aburremente foise incrementando. Dominio claro á vez que esteril por parte da Ponferradina que non acadaba xerar ocasión claras de gol, rachado esporádicamente con algunha contra celeste, a primeira tras unha boa xogada na que de De Lucas sirve de costas e co tacón a David Rodríguez despistando ós centrais e deixandoo só pra que inicie carreira en solitario no ultimo cuarto de cancha, encare a Mackay e dispare completamente ó corpo do gardamallas, sendo novamente o ex do Deportivo B quen lle leve o pulso no 1 contra 1.

Minutos mais tarde sería un recén entrado Joan Tomás quen, con feble pero malintencionado testarazo permita un novo lucemento do porteiro local. De aqui ó final, a Ponferradina seguiría dominando o balón e o Celta contraatacando e malgastando ocasións, pero o marcador xa non se movería do 0-0 inicial.

Houbo que lamentar a lesión muscular de Hugo Mallo que semella levaralle ó menos 3 semanas para superar, foi substituido por un sobrio Murillo, troco obrigado que seguramente fixo que non puideran entrar finalmente a parella Abalo-Aspas, un bo xeito se cadra de abrir o campo.

Protagonismo dos porteiros en todo o encontro, a cotío síntoma dun mal partido, como así foi... partido para esquecer do resto de xogadores celestes en xeral, especialmente no tocante a David Rodríguez, negado na finalización e que estragou varias boas ocasións.

Con todo, bo partido da Ponferradina que segue amosando que no que respecta ós partidos da casa, é un rival pouco desexable. O Celta vaise do Bierzo cun puntiño nun campo ó que en principio chegaba de favorito pero no que rematou sendo bastante inferior todo o partido, e no que nen sequera soubo aproveitar as poucas pero claras ocasións que tivo para marchar como fan os grandes equipos nos malos partidos, aproveitar o mínimo esforzo para escapar cun botín moito maior ó merecido no terreo de xogo.